Select Page
ଟ୍ରାଙ୍କୁଲାଇଜ୍ ହେଲା ଜଗତପୁରରେ ଆତଙ୍କ ଖେଳାଇଥିବା ହାତୀ, ଆଠଗଡ଼ ରେଞ୍ଜ ଖୁଣ୍ଟୁଣି ଅଭିମୁଖେ ହାତୀ

ଟ୍ରାଙ୍କୁଲାଇଜ୍ ହେଲା ଜଗତପୁରରେ ଆତଙ୍କ ଖେଳାଇଥିବା ହାତୀ, ଆଠଗଡ଼ ରେଞ୍ଜ ଖୁଣ୍ଟୁଣି ଅଭିମୁଖେ ହାତୀ


ଚୌଦ୍ୱାର ୨୯।୦୯ : ଟ୍ରାଙ୍କୁଲାଇଜ୍‌ ହେଲା  ଜଗତପୁରରେ ଆତଙ୍କ ଖେଳାଇଥିବା ହାତୀ । ଏହାପରେ ହାତୀ ଆଠଗଡ଼ ରେଞ୍ଜ ଖୁଣ୍ଟୁଣିରେ ଛଡ଼ାଯିବାକୁ ନିଆଯାଇଛି। ନନ୍ଦନକାନନରୁ ଯାଇଥିବା ଟିମ୍ ଏହି ହାତୀକୁ ଟ୍ରାଙ୍କୁଲାଇଜ୍ କରିଛନ୍ତି ।

ଖବର ଅନୁଯାୟୀ,  ଏ.ସି.ଏଫ୍ ଅନନ୍ତ କୁମାର ପ୍ରଧାନ ଓ ଚନ୍ଦକା DFO ଏମଡି ଜମିଲଙ୍କ ନେତୃତ୍ବରେ ଗୁରୁବାର ସକାଳୁ ନନ୍ଦନ କାନନରୁ ଏକ ସ୍ବତନ୍ତ୍ର ଡାକ୍ତରୀ ଟିମ୍ ଆସି ଜଗତପୁର ପୀରବଜାର ବସନ୍ତ ମଠ ଜଙ୍ଗଲରେ ପହଞ୍ଚି ହାତୀକୁ ଟ୍ରାଙ୍କୁଲାଇଜ କରିଥିଲେ l ବୁଧବାର ହାତୀଟିକୁ ନିସ୍ତେଜ୍ କରାଯାଇଥିଲେ ମଧ୍ୟ ରାତି ଏବଂ ଜନଗହଳି ପାଇଁ ହାତୀଟିକୁ ସ୍ଥାନାନ୍ତର କରାଯାଇପାରିନଥିଲା। ସେଥିପାଇଁ ପୁଣି ଗୁରୁବାର ସକାଳୁ ହାତୀଟିକୁ ଦୁଇଟି ଟ୍ରାଙ୍କୁଲାଇଜ କରାଯାଇ ବେହୋସ୍ କରାଯାଇଥିଲା। ହାତୀଟି ବେହୋସ୍ ହେବାପରେ ତାକୁ ବେଲ୍ଟ ସହାୟତାରେ ବାନ୍ଧି ହାଇଡ୍ରା ଓ ଜେସିବି ଜରିଆରେ ହାଇୱା ଉପରକୁ ଉଠାଯାଇଥିଲା। ଏହି ଉଦ୍ଧାର କାର୍ଯ୍ୟରେ ନନ୍ଦନ କାନନରୁ ଆସିଥିବା ବିଶେଷଜ୍ଞ ଟିମ୍, ଚନ୍ଦକା ଡିଏଫଓ, କଟକ ବନ ବିଭାଗ ଓ ଫୁଲନଖରା ରେଞ୍ଜର, ଜଗତପୁର ପୋଲିସ ର ଉଦ୍ୟମରେ ହାତୀଟିକୁ ଉଦ୍ଧାର କରାଯାଇ ଆଠଗଡ଼ ରେଞ୍ଜ ଅନ୍ତର୍ଗତ ଖୁଣ୍ଟୁଣିରେ ଛଡ଼ାଯିବ ବୋଲି କହିଛନ୍ତି କଟକ ଏସି ଏଫ୍ ଅନନ୍ତ କୁମାର ପ୍ରଧାନ।

ରକ୍ତ ତିର୍ଥ ଇରମରେ ୮୦ ତମ ଶହିଦ ଦିବସ ପାଳିତ ଶହୀଦଙ୍କ ଉଦ୍ଦେଶ୍ୟରେ ଦିଆଗଲା ତୋପ ସଲାମି

ରକ୍ତ ତିର୍ଥ ଇରମରେ ୮୦ ତମ ଶହିଦ ଦିବସ ପାଳିତ ଶହୀଦଙ୍କ ଉଦ୍ଦେଶ୍ୟରେ ଦିଆଗଲା ତୋପ ସଲାମି


ଭଦ୍ରକ ୨୮/୦୯: ଭଦ୍ରକ ଜିଲ୍ଲା ବାସୁଦେବପୁର ବ୍ଲକରେ ଥିବା ଇରମ ଶହୀଦ ପଡ଼ିଆରେ ବୁଧବାର ୮୦ ତମ ଶହୀଦ ଦିବସ ପାଳନ କରାଯାଇଛି। ଏହି  ଅବସରରେ ସକାଳେ ଜିଲ୍ଲାପାଳ ସିଦ୍ଧେଶ୍ବର ବଳିରାମ ବୋନ୍ଦାର ଯୋଗଦେଇ ତ୍ରିରଙ୍ଗା ପତାକା ଉତ୍ତୋଳନ କରିଥିଲେ। ପରେ ଜିଲ୍ଲାପାଳ ଶ୍ରୀ ବୋନ୍ଦାରଙ୍କ ସହିତ ବ୍ଲକ ଅଧ୍ୟକ୍ଷ ନଗେନ୍ଦ୍ର ବିଶ୍ବାଳ, ବିଡିଓ ସତ୍ୟଜିତ୍ ରାଉତ ପ୍ରମୁଖ ଯୋଗଦେଇ ସହିଦଙ୍କ ପୀଠରେ ପୁଷ୍ପମାଲ୍ୟ ଅର୍ପଣ କରିଥିଲେ। ପୂର୍ବାହ୍ଣ ୧୧ ଟା ବେଳେ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଦ୍ବାରା ସହୀଦମାନଙ୍କ ଉଦ୍ଦେଶ୍ୟରେ ତୋପ ସଲାମି ଦିଆଯାଇଥିଲା।

ଏହି କାର୍ଯ୍ୟକ୍ରମରେ ଜିଲ୍ଲା ଆରକ୍ଷୀ ଅଧିକ୍ଷକ ଚରଣସିଂ ମିନ୍ନା ଓ ଏସଡିପିଓ ଉପସ୍ଥିତରେ ସହିଦମାନଙ୍କୁ ତୋପ ସଲାମି ଦିଆଯାଇଥିଲା। ପରେ ବିଭିନ୍ନ ଦଳ ଓ ବିଭିନ୍ନ ସଙ୍ଗଠନ ପକ୍ଷରୁ ସହୀଦଙ୍କ ସମାଧି ପିଠରେ ପୁଷ୍ପମାଲ୍ୟ ଅର୍ପଣ କରାଯାଇଥିଲେ। ପରେ ଏକ ସାଧାରଣ ସଭା ଆୟୋଜନ କରାଯାଇଥିଲା। ଏଥିରେ ମୁଖ୍ୟଅତିଥି ଭାବେ ଆରକ୍ଷୀ ଅଧକ୍ଷକ ଏସପି ମିନ୍ନା ଯୋଗଦେଇ ଶହୀଦ ପରିବାରକୁ ଉତ୍ତରୀୟ ଦେଇ ସମ୍ମାନୀତ କରିଥିଲେ। ଏହି ଅବସରରେ ମଧ୍ୟ ଏକ ରକ୍ତଦାନ ଶିବିର କରାଯାଇଥିଲା।

ଚିଙ୍ଗୁଡ଼ି ଫାର୍ମରେ ଅଘଟଣ, ଗ୍ୟାସ୍‌ ଲିକ୍‌ ହେବାରୁ ୫୦ରୁ ଉର୍ଦ୍ଧ୍ୱ ଶ୍ରମିକ ଅଚେତ

ଚିଙ୍ଗୁଡ଼ି ଫାର୍ମରେ ଅଘଟଣ, ଗ୍ୟାସ୍‌ ଲିକ୍‌ ହେବାରୁ ୫୦ରୁ ଉର୍ଦ୍ଧ୍ୱ ଶ୍ରମିକ ଅଚେତ


ସୋର, ୨୮।୦୯: ବାଲେଶ୍ବର ଜିଲ୍ଲା ଖନ୍ତାପଡ଼ା ଥାନା ନିକଟ ହାଇଲାଣ୍ଡ ଚିଙ୍ଗୁଡ଼ି ଫାର୍ମରେ ଅଘଟଣ l ଗ୍ୟାସ ଲିକ୍‌ ହୋବା କାରଣରୁ ୫୦ରୁ ଉର୍ଦ୍ଧ୍ୱ ଶ୍ରମିକ ଆଚେତ ହୋଇଯାଇଥିବା ଜଣାପଡ଼ିଛି l ଗୁରୁତର ଶ୍ରମିକଙ୍କୁ ଖନ୍ତାପଡ଼ା ଡାକ୍ତରଖାନରୁ ବାଲେଶ୍ୱରର ଏକ ବେସରକାରୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।

ହାଇ ସିକ୍ୟୁରିଟି ନମ୍ବର ପ୍ଲେଟ୍‌ ମାମଲା, ବ୍ୟବସ୍ଥା ନଥାଇ ଡେଡ୍‌ ଲାଇନ୍‌କୁ ନାପସନ୍ଦ କଲେ ହାଇକୋର୍ଟ

ହାଇ ସିକ୍ୟୁରିଟି ନମ୍ବର ପ୍ଲେଟ୍‌ ମାମଲା, ବ୍ୟବସ୍ଥା ନଥାଇ ଡେଡ୍‌ ଲାଇନ୍‌କୁ ନାପସନ୍ଦ କଲେ ହାଇକୋର୍ଟ


କଟକ ୨୮।୦୯: ହାଇକୋର୍ଟରେ ହାଇ ସିକ୍ୟୁରିଟି ନମ୍ବର ପ୍ଲେଟ୍‌ ମାମଲା । ବ୍ୟବସ୍ଥା ନଥାଇ ଡେଡ୍‌ ଲାଇନ୍‌କୁ ନାପସନ୍ଦ କଲେ ହାଇକୋର୍ଟ । ମାନ୍ୟବର କୋର୍ଟ କହିଛନ୍ତି ଯେ, ରାଜ୍ୟର ସମସ୍ତ ଲୋକଙ୍କ ପାଖରେ ଅନ୍‌ଲାଇନ୍‌ ବ୍ୟବସ୍ଥା ନାହିଁ । HSRP ରେ ବୁକ କରିବା ସମ୍ଭବ ମଧ୍ୟ ହେଉନାହିଁ। ଏଥିପାଇଁ  କ ଣ ବିକଳ୍ପ ବ୍ୟବସ୍ଥା କରାଯିବ । ସେନେଇ ହାଇକୋର୍ଟଙ୍କୁ ଅବଗତ କରାଇବାକୁ ନିର୍ଦ୍ଦେଶ ଦେଇଛନ୍ତି । ଆସନ୍ତା ୩୦ରେ ମାମଲାର ପରବର୍ତ୍ତୀ ଶୁଣାଣି ।  

ସୂଚନାଯୋଗ୍ୟ ଯେ, ହାଇ ସିକ୍ୟୁରିଟି ନମ୍ବର ପ୍ଲେଟକୁ ନେଇ ନୂଆ ନିୟମ ଆଣିଥିଲା ପରିବହନ ବିଭାଗ । ଧାର୍ଯ୍ୟ ତାରିଖ ସୁଦ୍ଧା ବୁକିଂ କରିଥିଲେ ଫାଇନ୍‌ ଦେବାରୁ ଚାଳକ ବର୍ତ୍ତିବେ । ଚେକିଂ ବେଳେ ଅନଲାଇନ ବୁକିଂ ସ୍ଲିପ୍ ଦେଖାଇଲେ ଚାଳକ ଫାଇନ୍‌ରୁ ବର୍ତ୍ତିବେ ବୋଲି କହିଛି ବିଭାଗ । ୧ କିମ୍ବା ୨ରେ ସରୁଥିବା ନମ୍ବର ପାଇଁ ଡେଡଲାଇନ ୩୦ ସେପ୍ଟେମ୍ବରକୁ ବୃଦ୍ଧି କରାଯାଇଛି । ଅର୍ଥାତ ସେପ୍ଟେମ୍ବର ୩୦ ପୂର୍ବରୁ ରେଜିଷ୍ଟ୍ରେସନ କରିବାକୁ ପଡିବ । ସେହିଭଳି ୩ ଓ ୪ ସରୁଥିବା ନମ୍ବର ପାଇଁ ଡେଡଲାଇନ ହେଉଛି ୩୦ ସେପ୍ଟେମ୍ବର । ୫ ଓ ୬ ସରୁଥିବା ନମ୍ବର ପାଇଁ ଡେଡଲାଇନ ଅକ୍ଟୋବର ୩୧ ଏବଂ ୭ ଓ ୮ ସରୁଥିବା ନମ୍ବର ପାଇଁ ଡେଡଲାଇନ ନଭେମ୍ବର ୩୦ । ୯ ଏବଂ ୦ ସରୁଥିବା ନମ୍ବର ପାଇଁ ଡେଡଲାଇନ ଡିସେମ୍ବର ୩୧ ରଖାଯାଇଛି ।

ଯାଜପୁର କଳିଙ୍ଗ ନଗର ଶିଳ୍ପାଞ୍ଚଳ ଗସ୍ତ କରି ଫେରିଲେ ବିଧାନସଭା ଗୃହ କମିଟି

ଯାଜପୁର କଳିଙ୍ଗ ନଗର ଶିଳ୍ପାଞ୍ଚଳ ଗସ୍ତ କରି ଫେରିଲେ ବିଧାନସଭା ଗୃହ କମିଟି


ଯାଜପୁର ରୋଡ଼ ୨୭/୦୯: ମଙ୍ଗଳବାର ବିଧାନସଭାର ଏକ ଗୃହ କମିଟି ଯାଜପୁର ଜିଲ୍ଲା କଳିଙ୍ଗନଗର ଶିଳ୍ପାଞ୍ଚଳ ଗସ୍ତରେ ଆସି ଫେରିଛନ୍ତି। ଘଷିପୁରା ବିଧାୟକ ବଦ୍ରି ନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଏହି କମିଟି କଳିଙ୍ଗନଗର ଗସ୍ତ କରିଥିଲା। ବଦ୍ରି ନାରାୟଣ ପାତ୍ରଙ୍କ ସହ ଏହି କମିଟିରେ ବିଧାୟକ ଅମର ପ୍ରସାଦ ଶତପଥୀ, ସାରଦା ପ୍ରସନ୍ନ ନାୟକ, ମୀନାକ୍ଷୀ ମହାନ୍ତ ଓ ମନୋହର ରାନ୍ଧାରୀ ପ୍ରମୁଖ ସାମିଲ ଥିଲେ। କମିଟି ସକାଳେ କଳିଙ୍ଗନଗର ଶିଳ୍ପାଞ୍ଚଳରେ ପହଞ୍ଚି ବିଭିନ୍ନ କାରଖାନା ପରିଦର୍ଶନ କରିବା ସହ ପ୍ରଦୂଷଣ ଓ ପରିବେଶ ସଂକ୍ରାନ୍ତିୟ ସମସ୍ୟା ଉପରେ ତଦାରଖ କରିଥିଲେ।

ପରେ ଜିନ୍ଦଲ ଷ୍ଟେନଲେସ୍ କାରଖାନା ପରିସରରେ ଆୟୋଜିତ ସମୀକ୍ଷା ବୈଠକରେ ଯୋଗଦେଇ ବିଭିନ୍ନ କାରଖାନାର ପ୍ରଦୂଷଣ ସମସ୍ୟା ଉପରେ ସମୀକ୍ଷା କରି ଏହି କମିଟି ଭୁବନେଶ୍ଵର ଫେରିଛି। ଗୃହ କମିଟିର ଏହି ଗସ୍ତରେ ଯାଜପୁର ଜିଲ୍ଲାପାଳଙ୍କ ସହିତ କଳିଙ୍ଗନଗର ଅତିରିକ୍ତ ଜିଲ୍ଲାପାଳ, ପ୍ରଦୂଷଣ ନିୟନ୍ତ୍ରଣ ବୋର୍ଡର ଆଞ୍ଚଳିକ ଅଧିକାରୀ, ଡି.ଏଫ.ଓ, ସ୍ଥାନୀୟ ବନବିଭାଗ ଅଧିକାରୀ ଓ ବିଭିନ୍ନ କାରଖାନାର ବରିଷ୍ଠ ପଦାଧିକାରୀ ପ୍ରମୁଖ ଉପସ୍ଥିତ ରହିଥିଲେ।

ପାଚିକା ନିଯୁକ୍ତିରେ ଦୁର୍ନୀତି ଅଭିଯୋଗ ଅଙ୍ଗନୱାଡ଼ି କେନ୍ଦ୍ରରେ ତାଲା ପକାଇଲେ ଗାଁ ଲୋକ

ପାଚିକା ନିଯୁକ୍ତିରେ ଦୁର୍ନୀତି ଅଭିଯୋଗ ଅଙ୍ଗନୱାଡ଼ି କେନ୍ଦ୍ରରେ ତାଲା ପକାଇଲେ ଗାଁ ଲୋକ


ଆଠମଲ୍ଲିକ ୨୭/୦୯: ଶେଷରେ ଅଙ୍ଗନୱାଡ଼ି ପାଚିକା ନିଯୁକ୍ତିରେ ବି ଲାଞ୍ଚ କାରବାର। ଏଭଳି ଅଭାବନୀୟ ଘଟଣା ଅନୁଗୁଳ ଜିଲ୍ଲାର ଆଠମଲ୍ଲିକ ବ୍ଲକ ଟୁସର ଅଙ୍ଗବାଡି କେନ୍ଦ୍ରରେ ଘଟିଛି। ପାଚିକା ସହାୟକା ନିଯୁକ୍ତିରେ ଆଠମଲ୍ଲିକ ସିଡିପିଓ ଲାଞ୍ଚ ନେଇଥିବା ଗ୍ରାମବାସୀ ଅଭିଯୋଗ ଆଣିଛନ୍ତି। ଏହି ଅନିୟମିତତାକୁ ବିରୋଧ କରି ଅଙ୍ଗୱାଡ଼ିରେ କେନ୍ଦ୍ରରେ ଗାଁ ମହିଳାମାନେ ତାଲା ପକାଇଛନ୍ତି।

ଆଠମଲ୍ଲିକ ବ୍ଲକ ଟୁସର ପଞ୍ଚାୟତ ପାଖରେ ଥିବା ଟୁସର ଅଙ୍ଗବାଡ଼ି କେନ୍ଦ୍ର ଗତ ସୋମବାରରୁ ବନ୍ଦ ପଡିଛି। ପିଲାଙ୍କ ଶିକ୍ଷା ଦାନ ବ୍ୟାହତ ହେଇଛି। ଆଠମଲ୍ଲିକ ସିଡିପିଓ ତରଙ୍ଗିନୀ ମିର୍ଧା ନିଜ ଇଚ୍ଛା ମୁତାବକ ସହାଇକାକୁ ନିଯୁକ୍ତି ଦେଇଥିବାରୁ ଲୋକ ଅଙ୍ଗବାଡିରେ ତାଲା ପକାଇଛନ୍ତି। ଗ୍ରାମସଭାର ଓ ଦଶଗୃପର ସମର୍ଥତକଙ୍କୁ  ନିଯୁକ୍ତି ନଦେଇ ଆଠମଲ୍ଲିକ ସିଡିପିଓ ଯେଉଁ ପାଚିକାଙ୍କୁ ନିଯୁକ୍ତି ଦେଇଛନ୍ତି ତାହା ବେଆଇନ। ତେଣୁ ସେମାନେ ତାଙ୍କ ସମର୍ଥିତ ମହିଳାଙ୍କୁ ନିଯୁକ୍ତି ନଦେବା ପର୍ଯ୍ୟନ୍ତ ଅଙ୍ଗନୱାଡି ତାଲା ପଡି ବନ୍ଦ ରହିବ ବୋଲି ଗ୍ରାମବାସୀ କହିଛନ୍ତି।

ଅଙ୍ଗନବାଡି କେନ୍ଦ୍ରର କିଛି ପିଲାଙ୍କୁ ନୂଆ ନିଯୁକ୍ତି ପାଇଥିବା ପାଚିକା ପଞ୍ଚାୟତରେ ବସାଇ ପାଠ ପଢ଼ାଇବା ଦେଖି ଗାଁ ମହିଳା ସ୍ଥାନୀୟ ସରପଞ୍ଚକୁ  ଜଣାଇଥିଲେ। ପରେ ସରପଞ୍ଚ ଆଉ ପଞ୍ଚାୟତରେ ଅଙ୍ଗବାଡ଼ି ସେଣ୍ଟର ନଚଳାଇବା ପାଇଁ ପ୍ରତିଶୃତି ଦେବାପରେ ପରିସ୍ଥିତି ଶାନ୍ତ ପଡ଼ିଥିଲା। ଘଟଣା ବିଷୟରେ  ଆଠମଲ୍ଲିକ ଉପଜିଲ୍ଲାପାଳ ଓ ସିଡିପିଓଙ୍କୁ ଜଣାଇବା ପରେବି କିଛି ସୁଫଳ ମିଳିନଥିଲା।  ଯେବେ ପର୍ଯ୍ୟନ୍ତ ସିଡିପିଓ ଗାଁ କୁ ଆସି ଗାଁ ସଭାରେ ନିଯୁକ୍ତି ନ ଦେଇଛନ୍ତି ସେ ପର୍ଯ୍ୟନ୍ତ ଅଙ୍ଗବାଡିରେ ତାଲା ପଡିରହିବ ବୋଲି କୁହାଯାଇଛି। ଏହି ସମସ୍ୟାର ସମାଧାନ ନହେଲେ ଗାଁ ଲୋକମାନେ ଆଠମଲ୍ଲିକ ସିଡିପିଓଙ୍କ କାର୍ଯ୍ୟାଳୟରେ ତାଲା ପକାଇବେ ବୋଲି କହିଛନ୍ତି।  ଅନ୍ୟପଟେ। ସିଡିପିଓ କାର୍ଯ୍ୟାଳୟ ରେ ରାହୁନାହାନ୍ତି। ଫୋନରେ ତାଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ କୌଣସି ପତିକ୍ରିୟା ମିଳିପାରିନାହିଁ।

ପ୍ରତାରଣା ସହିନପାରି ପ୍ରେମିକାର ଆତ୍ମହତ୍ୟା, ଧୋକାବଜ ପ୍ରେମିକକୁ ଗରିଫ କରିବାକୁ ଥାନା ଘେରିଲେ ଲୋକେ

ପ୍ରତାରଣା ସହିନପାରି ପ୍ରେମିକାର ଆତ୍ମହତ୍ୟା, ଧୋକାବଜ ପ୍ରେମିକକୁ ଗରିଫ କରିବାକୁ ଥାନା ଘେରିଲେ ଲୋକେ


ସମ୍ୱଲପୁର, ୨୭/୦୯: ବିବାହ ପ୍ରତଶୃତି ଦେଇ ପ୍ରେମିକ ଠକିଦେଵାରୁ ଆତ୍ମହତ୍ୟା କରିଛି ପ୍ରେମିକା । ଧୋକାବାଜ ପ୍ରେମିକକୁ ଗିରଫ ଦାବିରେ ଗାଁ ଲୋକେ ଥାନା ଘେରାଉ କରିଛନ୍ତି । ମିଳିଥିବା ସୂଚନା ଅନୁସାରେ ସମ୍ବଲପୁର ସଦର ଥାନା ଅନ୍ତର୍ଗତ ରାସନପୁର ତୁରିପଡା ଗ୍ରାମର ପ୍ରିୟଙ୍କା ନାୟକଙ୍କର ସୋନପୁର ବିନିକା ଅଂଚଳର ସୁନିଲ ହରିଙ୍କ ସହ ପ୍ରେମ ସମ୍ପର୍କ ଥିଲା । ଦୁହେଁ ବିବାହ ପାଇ ନିଷ୍ପତ୍ତି ନେଇଥିଲେ । ପରେ ପ୍ରେମିକ ସୁନିଲ ତାଙ୍କୁ ପ୍ରତାରଣା କରିବା ସହ ଧୋକା ଦେଇଥିଲା । ଯାହାକୁ ପ୍ରେମିକା ପ୍ରିୟଙ୍କା ସହି ନପାରି ଆତ୍ମହତ୍ୟା କରିଛନ୍ତି । ଧୋକାବାଜ ପ୍ରେମିକ ଓ ସହଯୋଗୀ ଵିରୋଧରେ ସଦର ଥାନାରେ ଅଭିଯୋଗ ପରେ ପୋଲିସ ସେମାନଙ୍କୁ ଗିରଫ କରିନଥିଲା । ଯାହାକୁ ନେଇ ଆଜି ଗାଁ ଲୋକେ ଉତ୍ତ୍ୟକ୍ତ ହୋଇ ସଦର ଥାନା ଘେରି ଉଭୟଙ୍କୁ ଗିରଫ କରିବା ପାଇଁ ଦାବି କରିଛନ୍ତି । ପରେ ପୋଲିସ ବୁଝାସୁଝା ପରେ ଧାରଣାରୁ ଗ୍ରାମବାସୀ ଓହରିଥିବା ଜଣାପଡ଼ିଛି |

ପ୍ରତ୍ୟକ୍ଷ ଦେବୀ ମାଆ ଭୂଦାର ଚଣ୍ଡୀ ମନ୍ଦିରରେ ନିଆରା ଢଙ୍ଗରେ ପାଳନ ହୁଏ ଦୁର୍ଗାପୂଜା ଓ ନବରାତ୍ରି ଜାଣନ୍ତୁ ମାଆଙ୍କ କିମ୍ୱଦନ୍ତୀ  

ପ୍ରତ୍ୟକ୍ଷ ଦେବୀ ମାଆ ଭୂଦାର ଚଣ୍ଡୀ ମନ୍ଦିରରେ ନିଆରା ଢଙ୍ଗରେ ପାଳନ ହୁଏ ଦୁର୍ଗାପୂଜା ଓ ନବରାତ୍ରି ଜାଣନ୍ତୁ ମାଆଙ୍କ କିମ୍ୱଦନ୍ତୀ  


ନୀଳଗିରି ୨୬/୦୯: ବାଲେଶ୍ଵର ଜିଲ୍ଲା ନୀଳଗିରି ସଜନାଗଡ଼ ଅଞ୍ଚଳରେ ବିରାଜମାନ ମା ଭୂଦାରଚଣ୍ଡୀ। ୪୦୦ ବର୍ଷର ସବୁଠାରୁ ପୁରୁଣା ମନ୍ଦିରରେ ମାଆ ଭୂଦାରଚଣ୍ଡୀଙ୍କୁ ଶ୍ରଦ୍ଧାଳୁମାନେ ପ୍ରତ୍ୟକ୍ଷ ଠାକୁରାଣୀ ଭାବେ ମାନିଥାନ୍ତି। ମାଆଙ୍କୁ ମାନସିକ କଲେ ନିଜର ମନୋସ୍କାମନା ପୂରଣ ହୋଇଥାଏ ବୋଲି ବିଶ୍ୱାସ ରହିଛି। ଏଭଳି ବିଶ୍ୱାସ ପାଇଁ ବହୁ ଦୂରଦୂରାନ୍ତରୁ ଭକ୍ତମାନେ ମାଆଙ୍କ ପାଖକୁ  ଦୌଡ଼ି ଆସନ୍ତି। ଏଠାରେ ଦୁର୍ଗାପୂଜା ଷୋଳସ ପୂଜା ହୋଇଥାଏ। ପ୍ରତ୍ୟେକ ଦିନ ସ୍ୱତନ୍ତ୍ର ନୀତିକାନ୍ତି ସହ ପୂଜା ହୋଇଥାଏ।

ସୁବାସିତ ଜଳ ହଳଦୀ, ଚୁଆ, କର୍ପୁର, ଅଗରୁ, ଚନ୍ଦନ ମିଶା ସୁବାସିତ ଜଳରେ ମାଙ୍କୁ ସ୍ନାନ କରାଇବା ପରେ ପୂଜା କରାଯାଇ ନବ ବସ୍ତ୍ରରେ ଶ୍ରଦ୍ଧାଳୁଙ୍କୁ ୧୬ ଦିନ ମା ଦର୍ଶନ ଦିଅନ୍ତି। ସୋମବାର ଠାରୁ ଏଠାରେ ନବରାତ୍ର ପୂଜା ଆରମ୍ଭ ହୋଇଛି । ସକାଳେ ମାର୍ଜନା ନୀତିପୂଜା ପରେ ଜପ, ସୂର୍ଯ୍ୟପୂଜା, ତର୍ପଣ ପୂଜା ପରେ ହୋମ ଯଜ୍ଞ ହୋଇଥାଏ। ଏହାପରେ ଚଣ୍ଡୀପାଠ,ଅନ୍ନଭୋଗ,ବାଳଭୋଗ ଲାଗିଥାଏ। ସୁବର୍ଣ୍ଣ ପାତ୍ରରେ ଆଳତି ନୀତିପୂଜା ସମାପନ ହୋଇଥାଏ। ଷୋଡ଼ଶ ପୂଜାରେ ଦୈନନ୍ଦିନ ମାନସିକଧାରୀମାନେ ପୂଜାର୍ଚ୍ଚନା କରି ଚଣ୍ଡୀପାଠ କରି ମାଆଙ୍କୁ ଆଶିଷ କାମନା କରନ୍ତି।

ସପ୍ତମୀ, ମହାଷ୍ଟମୀ ପୂଜା ବହୁ ଧୁମଧାମରେ ଏଠାରେ ପାଳନ ହୋଇଥାଏ। ବହୁ ଦୂରରୁ ଭକ୍ତମାନେ ଆସି ଡାଲା ଭୋଗ ଲଗାଇ ମାଙ୍କ ପାଖେ ପୂଜା କରନ୍ତି। ନବମୀ ପୂଜାପରେ ପରମ୍ପରା ଅନୁସାରେ ନୀଳଗିରି ରାଜା ପୂର୍ଣ୍ଣାହୁତି ପାଇଁ ଆସି ପୂଜା କରନ୍ତି।ଦଶହରାରେ କଳସି ବିସର୍ଜନ ପାଇଁ ମାଆଙ୍କ ସର୍ଦାର ଶ୍ରଦ୍ଧାଳୁଙ୍କ ମୁଣ୍ଡରେ କଳସୀ ଧରି ବାଜା ମହୁରୀ ବଜାଇ ନୀଳଗିରି ରାଜବାଟି ପରିସରରେ ଥିବା ରାଜପରିବାରଙ୍କ କୂଳଦେବୀ କନକଦୁର୍ଗାଙ୍କ ପାଖରେ ପହଞ୍ଚିଥାନ୍ତି। ଏହାପରେ ଶଙ୍କରାଖୁଣ୍ଟା ପୋଖରୀରେ ବିସର୍ଜନ ହୋଇଥାଏ।

ତେବେ ଏହି ଐତିହାସିକ ପୀଠକୁ ନେଇ ଅନେକ କିମ୍ୱଦନ୍ତି ରହିଛି। ଆଜକୁ ପ୍ରାୟ ୪୦୦ ବର୍ଷ ପୂର୍ବେ ସଜନାଗଡ଼ରେ ଚାଷୀ ହଳ କରିବା ବେଳେ ଏକ ବିରାଟକାୟ ପଥର ବାଜି ଲଙ୍ଗଳ ମୁନ ମୋଡ଼ି ହୋଇଯାଇଥିଲା। ପରେ ମା ଭୂଦାରଚଣ୍ଡୀ ତତକାଳୀନ ରାଜା ବସନ୍ତ ଭୁଜଙ୍ଗ ମାନଧାତାଙ୍କୁ ସ୍ୱପ୍ନାଦେଶ ଦେଇଥିଲେ। ପରେ ମାଙ୍କୁ ଯେତେ ହଲାଇ ଅନ୍ୟତ୍ର ନେବାପାଇଁ ଚେଷ୍ଟା କଲେ ମଧ୍ୟ ମାଆ ଟିକେ ବି ହଲିନଥିଲେ। ଭୂମି ବିଦାରି ଆବିର୍ଭୂତ ହୋଇଥିବାରୁ ମା ଭୂଦାରଚଣ୍ଡୀ ନାମରେ ସେହିଦିନରୁ ସେଠାରେ ପୂଜା ପାଉଛନ୍ତି। ତତ୍କାଳୀନ ନୀଳଗିରି ରାଜା ମଧ୍ୟ ମାଆଙ୍କ ପାଇଁ ଗୋଟିଏ ସୁନ୍ଦର ମନ୍ଦିର ତିଆରି କରିବା ପରେ ସେବେଠାରୁ ମାଆଙ୍କୁ ଭକ୍ତମାନେ ପୂଜାକରି ଆସୁଛନ୍ତି।

ବିଜେଡି କାଉନସିଲରଙ୍କୁ ସମର୍ଥକଙ୍କ ବିରୋଧ ପ୍ରଦର୍ଶନ, ସ୍ଥିତି ନିୟନ୍ତ୍ରଣ ବେଳେ ପୋଲିସ ଆହତ

ବିଜେଡି କାଉନସିଲରଙ୍କୁ ସମର୍ଥକଙ୍କ ବିରୋଧ ପ୍ରଦର୍ଶନ, ସ୍ଥିତି ନିୟନ୍ତ୍ରଣ ବେଳେ ପୋଲିସ ଆହତ


ଭଦ୍ରକ: ବିଜେଡି କାଉନସିଲରଙ୍କୁ ସମର୍ଥକଙ୍କ ବିରୋଧ ଓ କଳାପତାକା ପ୍ରଦର୍ଶନ । ଏହି ସମୟରେ ଜୋତାଫିଙ୍ଗାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ପରିସ୍ଥିତି ନିୟନ୍ତ୍ରଣ କରିବାକୁ ଯାଇ ବିରୋଧୀଙ୍କ  ଆକ୍ରମଣରେ କେତେକ ପୋଲିସ କର୍ମଚାରୀ ଆହତ ହୋଇଛନ୍ତି। ଭଦ୍ରକ ପୌରପାଳିକାର ୧୪ ନମ୍ବର ଓ୍ବାର୍ଡର କାଉନସିଲର ଭାବେ ଜଇରୁଦ୍ଦିନ ବିଜୟୀ ହୋଇଥିଲେ । କିନ୍ତୁ ପରବତ୍ତୀ ସମୟରେ ଜଇରୁଦ୍ଦିନ ବିଜେଡିରେ ଯୋଗଦେଇଥିଲେ । ଯାହାକୁ ନେଇ ତାଙ୍କର କିଛି ସମର୍ଥକ ଅସନ୍ତୁଷ୍ଟ ହୋଇଥିଲେ । ସୋମବାର ଜଇରୁଦ୍ଦିନ ବିଜେଡିର ଏକ ମିଟିଂରେ ଯୋଗଦେବାକୁ ବାଇକ ରାଲି କରି ଦଳୀୟ କର୍ମୀଙ୍କ ସହ  ଯାଉଥିବା ବେଳେ ଆକ୍ରମଣର ଶୀକାର ହୋଇଥିଲେ । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ପୋଲିସ ମୁତୟନ କରାଯାଇଛି । ପରିସ୍ଥିତି ଏବେ ବି ଉତ୍ତେଜନାପୂର୍ଣ୍ଣ ରହିଛି ।

ତୀର୍ଥ ଯାତ୍ରାକୁ ପରିବାର ସହ ବାହାରିଥିଲେ, ପୋଖରୀରେ ବୁଡ଼ି ଚାଲିଗଲା ନାବାଳକର ଜୀବନ

ତୀର୍ଥ ଯାତ୍ରାକୁ ପରିବାର ସହ ବାହାରିଥିଲେ, ପୋଖରୀରେ ବୁଡ଼ି ଚାଲିଗଲା ନାବାଳକର ଜୀବନ


ଘଟଗାଁ, ୨୬/୦୯: କେନ୍ଦୁଝର ଜିଲ୍ଲା ଘଟଗାଁ ଭାରତ ପେଟ୍ରୋଲ ପମ୍ପ ନିକଟସ୍ଥ ପୋଖରୀରେ ଗାଧେଇବା ବେଳେ ବୁଡିଯାଇ ଜଣେ ନାବାଳକର ମୃତ୍ୟୁ ଘଟିଛି । ମୃତକ ଜଣଙ୍କ କୋରାପୁଟ ଜିଲ୍ଲା ବିଏସପୁର ଥାନା ଅନ୍ତର୍ଗତ କମାତା ଗ୍ରାମର ଅଜିତ କୁମାର ଭଟ୍ଟଙ୍କ ୧୪ ବର୍ଷର ପୁଅ ଧୀରେନ କୁମାର ଭଟ୍ଟ ବୋଲି ଜଣାପଡ଼ିଛି । ସୂଚନା ଅନୁଯାୟୀ ଗତ ସେପ୍ଟେମ୍ବର ୧୧ ତାରିଖରେ କୋରାପୁଟ୍ ଏବଂ ନବରଙ୍ଗପୁର୍ ଜିଲ୍ଲାର କିଛି ପରିବାର ତୀର୍ଥ କରିବାକୁ ବାହାରିଥିଲେ । ଅଯୋଧ୍ୟା ରାମ ମନ୍ଦିର ଠାରୁ ଆରମ୍ଭ କରି ବଦ୍ରିନାଥ, କାଶୀ ଇତ୍ୟାଦି ଅନେକ ତୀର୍ଥସ୍ଥାନ ଭ୍ରମଣ କରି ଆଜି ମା ତାରିଣୀ ଦର୍ଶନ ପାଇଁ ଆସିଥିଲେ ।

ତେବେ ଧୀରେନ ମଧ୍ୟ ପରିବାର ଲୋକଙ୍କ ସହ ଏହି ତୀର୍ଥରେ ଆସିଥିଲେ । ଆଜି ଅପରାହ୍ନରେ ଉକ୍ତ ପୋଖରୀରେ ଗାଧୋଇସାରି ମା’ଙ୍କୁ ଦର୍ଶନ କରି ପୁରୀ ଜଗନ୍ନାଥଙ୍କୁ ଦର୍ଶନ କରିବା ପାଇଁ ଯାଇଥାନ୍ତେ । ଧୀରେନ୍ ପୋଖରୀରେ ଗାଧୋଇବା ବେଳେ ଅସାବାଧାନତା ଯୋଗୁ ବୁଡିଯାଇଥିଲେ । ସ୍ଥାନୀୟ ଲୋକଙ୍କ ଠାରୁ ଖବର ପାଇ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଁଚି ଧୀରେନକୁ ଉଦ୍ଧାର କରିଥିବା ବେଳେ ଚିକିତ୍ସା ପାଇଁ ଘଟଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ପୋଲିସ ସ୍ୱାସ୍ଥ୍ୟକେନ୍ଦ୍ରରେ ପହଁଚି ମୃତଦେହକୁ ଜବତ କରି ଘଟଣାର ତଦନ୍ତ ଚଳାଇଛି।